Հաշտարարությունը հայտնի է որպես ընտանեկան և աշխատանքային վեճերի լուծման միջոց, սակայն ներկայումս այն նաև օգտագործվում է պայմանագրային, կորպորատիվ և առևտրային վեճերը կարգավորելու համար: Հաշտարարն անկախ, անկողմնակալ, գործի ելքով շահագրգռվածություն չունեցող ֆիզիկական անձ է, որն իրականացնում է հաշտարարություն կողմերի միջև առկա վեճը հաշտությամբ լուծելու նպատակով: Հաշտարարը հեշտացնում է հաղորդակցությունը և բանակցությունները, սակայն որոշում չի պարտադրում ներգրավված կողմերին: