ԻՆՉ Է ԱՐԲԻՏՐԱԺԸ
Արբիտրաժը վեճերի լուծման այլընտրանքային գործընթաց է, որը կիրառվում է անհատների և
կազմակերպությունների կողմից՝ ավանդական դատական համակարգից դուրս իրավական
տարաձայնությունները լուծելու համար: Ի տարբերություն դատական ընթացակարգերի՝ արբիտրաժային
վարույթում կողմերը իրենք են որոշում ում միջոցով և ինչպես լուծել իրենց վեճը:
ԱՐԱԳԱՑՎԱԾ Ընթացակարգ
Արագացված ընթացակարգը հատուկ, «արագ-վարույթի» ընթացակարգ է, որը նախատեսված է Կենտրոնի Արբիտրաժային կանոններով: Այն դեպքում, երբ կիրառվում է արագացված վարույթ, վերջնական վճիռը կայացվում է Արբիտրաժային տրիբունալի ձևավորման պահից երեք ամսվա ընթացքում:
ԱՐԲԻՏՐԱԺԱՅԻՆ ՎԱՐՈՒՅԹԻ ԸՆԹԱՑՔԸ
Հոդված 1. Արագացված ընթացակարգի կանոնների կիրառումը
1. Արագացված ընթացակարգի նկատմամբ Կանոններով սահմանված ընդհանուր
դրույթները կիրառելի են այնքանով, որքանով չեն հակասում սույն Հավելվածով
սահմանված կարգավորումներին։
2. Արագացված ընթացակարգի կանոնները կիրառվում են միայն այն տեղական վեճերի
նկատմամբ, որոնցով հայցագինը չի գերազանցում 10 միլիոն ՀՀ դրամը։
3. Կանոնների 6-րդ հոդվածով նախատեսված Արբիտրաժ իրականացնելու պահանջի
պատասխանը ստանալուց հետո, կամ պատասխանի համար սահմանված ժամկետը լրանալուց
հետո կամ դրանից հետո ցանկացած պահի Կանոնների 34-րդ հոդվածի 3-րդ մասի
պահպանմամբ, Քարտուղարությունը տեղեկացնում է կողմերին, որ գործի նկատմամբ
կիրառելի են Արագացված ընթացակարգի կանոնները։
4. Արբիտրաժային խորհուրդը կարող է, արբիտրաժային ընթացակարգով վարույթի ընթացքում
ցանկացած ժամանակ, իր նախաձեռնությամբ կամ կողմի խնդրանքով, արբիտրաժային
տրիբունալի և կողմերի հետ խորհրդակցելուց հետո որոշել, որ Արագացված ընթացակարգով
վարույթի կանոններն այլևս չպետք է կիրառվեն գործի նկատմամբ։ Նման դեպքում, եթե
Արբիտրաժային խորհուրդը նպատակահարմար չի համարում փոխարինել և/կամ
վերակազմավորել արբիտրաժային տրիբունալը, արբիտրաժային տրիբունալը շարունակում է
վարույթը:
Հոդված 2. Արբիտրաժային տրիբունալի ձևավորումը
1. Արագացված ընթացակարգի կիրառման դեպքում արբիտրաժային տրիբունալը պետք է
կազմված լինի միանձնյա արբիտրից՝ անկախ արբիտրաժային համաձայնությունում դրան
հակասող դրույթներից:
2. Կողմերը Քարտուղարության կողմից սահմանված ժամկետում կարող են առաջադրել
միանձնյա արբիտրի թեկնածությունը: Նման առաջադրման բացակայության դեպքում միանձնյա
արբիտրը նշանակվում է Գլխավոր քարտուղարի կողմից:
3. Գլխավոր քարտուղարը, Արբիտրաժային խորհրդի նախագահին ծանուցելուց հետո,
հաստատում կամ նշանակում է արբիտրին՝ Արբիտրաժ իրականացնելու պահանջի պատասխանը
ստանալուց հետո կամ դրա համար նախատեսված ժամկետի ավարտից հետո 15 օրվա
ընթացքում։
Հոդված 3. Վարույթը
1. Կանոնների 26-րդ հոդվածը չի կիրառվում արագացված ընթացակարգով իրականացվող
վարույթի նկատմամբ:
2. Արագացված ընթացակարգով վարույթի դեպքում Արբիտրաժ իրականացնելու պահանջի
պատասխան ներկայացնելու ժամկետը 10 օր է։
3. Արբիտրաժային տրիբունալի ձևավորումից հետո կողմերը չեն կարող նոր պահանջներ
ներկայացնել առանց արբիտրաժային տրիբունալի թույլտվության: Արբիտրաժային տրիբունալը
կարող է թույլատրել դա`հաշվի առնելով նոր պահանջների բնույթը, արբիտրաժի փուլը,
ենթադրյալ ծախսերը և ցանկացած այլ առնչվող հանգամանքներ։
4. Արբիտրաժային տրիբունալը իրավասու է իր հայեցողությամբ կիրառել այնպիսի
ընթացակարգային միջոցներ, որոնք նա նպատակահարմար է համարում: Մասնավորապես,
արբիտրաժային տրիբունալը կարող է կողմերի հետ խորհրդակցելուց հետո որոշել չթույլատրել
փաստաթղթերի ներկայացման միջնորդությունները կամ սահմանափակել գրավոր դիմումների,
վկաների գրավոր ապացույցների քանակը, տևողությունը և ծավալը (ինչպես վկաների, այնպես
էլ փորձագետների):
5. Արբիտրաժային տրիբունալը կողմերի հետ խորհրդակցելուց հետո վեճը կարող է լուծել
բացառապես կողմերի ներկայացրած փաստաթղթերի հիման վրա՝ առանց վկաների կամ
փորձագետների հարցաքննության և լսումների:
Հոդված 4. Վճիռը
1. Արբիտրաժային տրիբունալի ձևավորման պահից 3 ամսվա ընթացքում տրիբունալը պետք է
վերջնական վճիռ կայացնի: Քարտուղարությունը, արբիտրաժային տրիբունալի հիմնավորված
պահանջի հիման վրա կամ իր նախաձեռնությամբ, կարող է երկարաձգել նշված ժամկետը, եթե
որոշի, որ դա անհրաժեշտ է:
2. Արբիտրաժային տրիբունալի վճարները սահմանվում են համաձայն Հավելված 1-ում
արագացված ընթացակարգով արբիտրաժի համար սահմանված վճարների սանդղակների:
ԱՐԲԻՏՐԱԺԻ ԱՌԱՎԵԼՈՒԹՅՈՒՆՆԵՐԸ
Ինչու՞ ընտրել արբիտրաժ։
Արագություն և արդյունավետություն. Կենտրոնում վարվող արբիտրաժային գործընթացը
առաջնահերթությունը տալիս է արագ լուծումներին՝ ձեզ ազատելով երկարատև իրավական
գործընթացներից:
Չեզոքություն. մեր արբիտրները մեծ փորձառությամբ մասնագետներ են, ովքեր օժտված են գիտելիքներով և
հմտություններով՝ հասկանալու տարբեր վեճերի բարդությունները: Նրանք ապահովում են վեճերի
արդարացի և անաչառ լուծում՝ բացառելով կողմնակալությունը։
Ծախսարդյունավետ. ավանդական դատավարությունը կարող է ֆինանսապես սպառել: Արբիտրաժի
ընտրությունը կարող է զգալիորեն նվազեցնել ծախսերը՝ միաժամանակ առաջարկելով վեճերի լուծման
արագ մեխանիզմ:
Գաղտնիություն. Արբիտրաժային վարույթը գաղտնի է։ Կենտրոնի Արբիտրաժային կանոնների համաձայն՝
կողմերը, արբիտրաժային տրիբունալը, Կենտրոնը և արբիտրաժային վարույթում ներգրավված ցանկացած
այլ անձ բոլոր դեպքերում պետք է վարույթին և վճռին առնչվող բոլոր հարցերն ու փաստաթղթերը գաղտնի
պահեն:
Ճկունություն․ Արբիտրաժային վարույթում Դուք ունեք ազատություն ընտրելու արբիտրին, որոշելու
արբիտրաժի վայրը, լեզուն և կիրառելի իրավունքը։ Ավելին, մեր արբիտրաժային ծառայությունները
հարմարվում են ձեր ժամանակացույցին և նախաընտրություններին՝ գործընթացը դարձնելով ավելի հարմար
բոլոր կողմերի համար:
Արբիտրաժային վճռի պարտադիրություն. Արբիտրաժի միջոցով ընդունված վճիռներն ունեն իրավական ուժ
և ենթակա են պարտադիր կատարման՝ ապահովելով կայացված վճռի որոշակիությունը:
ԱՐԲԻՏՐԱԺԻ ԿԱՆՈՆՆԵՐ
Կողմերը կարող են Արբիտրաժ իրականացնելու պահանջ ներկայացնել Կենտրոնին, եթե ունեն վեճը
Կենտրոնին հանձնելու մասին արբիտրաժային համաձայնություն/վերապահում։
Կենտրոնն առաջարկում է արբիտրաժային վերապահման հետևյալ տիպային ձևերը, որոնք կարող են
փոփոխվել կողմերի ցանկությամբ․
Արբիտրաժային վերապահում
Սույն պայմանագրից բխող և դրա կապակցությամբ կողմերի միջև ծագած բոլոր վեճերը լուծվում են ԱՐԲԻՏՐԱԺԻ ԵՎ ՀԱՇՏԱՐԱՐՈՒԹՅԱՆ ՀԱՅԱՍՏԱՆՅԱՆ ԿԵՆՏՐՈՆԻ Արբիտրաժային կանոնների հիման վրա: Վեճը լուծվելու է [կողմերը կարող են ընտրել մեկ կամ երեք արբիտրների] կողմից: Արբիտրաժի վայրը Երևանն (Հայաստան) է [կողմերը կարող են ընտրել այլ վայր], իսկ արբիտրաժի լեզուն հայերենն է [կողմերը կարող են ընտրել այլ լեզու]։ Վեճի նկատմամբ կիրառվում է Հայաստանի Հանրապետության իրավունքը [կողմերը կարող են ընտրել այլ իրավունք]։
ԱՐԲԻՏՐԱԺԱՅԻՆ ԾԱԽՍԵՐ
Վարույթի վարչարարության և Արբիտրաժային տրիբունալի համար վճարները որոշվում են ըստ վեճի արժեքի՝ կանոններին կից վճարների աղյուսակի համապատասխան:
Վճարման կարգը
Վարչական վճարներ
Գործավարության վճարը
Սանդղակ 1
Հայցագինը (ՀՀ դրամ) | Գործավարության վճարներ (ՀՀ դրամ) |
Մինչև 5,000,000 | 150,000 |
5,000,001-ից 10,000,000 | 150,000 + 5,000,000-ը գերազանցող գումարի 2,5%-ը |
10,000,001-ից 20,000,000 | 250,000 + 10,000,000-ը գերազանցող գումարի 2%-ը |
20,000,001-ից 40,000,000 | 490,000 + 20,000,000-ը գերազանցող գումարի 1,5%-ը |
40,000,001-ից 80,000,000 | 790,000 + 40,000,000-ը գերազանցող գումարի 1%-ը |
80,000,001-ից 200,000,000 | 1,190,000 + 80,000,000-ը գերազանցող գումարի 0,5%-ը |
200,000,001-ից 400,000,000 | 1,790,000 + 200,000,000-ը գերազանցող գումարի 0,4%-ը |
400,000,001-ից 1,000,000,000 | 2,590,000 + 400,000,000-ը գերազանցող գումարի 0,3%–ը |
1,000,000,001-ից 4,000,000,000 | 4,390,000 + 1,000,000,000-ը գերազանցող գումարի 0,1%-ը |
Ավելի քան 4,000,000,001 | 7,390,000 + 4,000,000,000-ը գերազանցող գումարի 0.05%-ը |
Արբիտրի վճարները
Սանդղակ 2
Հայցագինը (ՀՀ դրամ) | Արբիտրների վճարներ (ՀՀ դրամ) |
Մինչև 5,000,000 | 170,000 |
5,000,001-ից 10,000,000 | 170,000 + 5,000,000-ը գերազանցող գումարի 5 %-ը |
10,000,001-ից 20,000,000 | 370,000 + 10,000,000-ը գերազանցող գումարի 3%-ը |
20,000,001-ից 40,000,000 | 710,000 + 20,000,000-ը գերազանցող գումարի 2,5%-ը |
40,000,001-ից 80,000,000 | 1,210,000 + 40,000,000-ը գերազանցող գումարի 2%-ը |
80,000,001-ից 200,000,000 | 2,010,000 + 80,000,000-ը գերազանցող գումարի 1,5%-ը |
200,000,001-ից 400,000,000 | 3,810,000 + 200,000,000-ը գերազանցող գումարի 1,2%-ը |
400,000,001-ից 1,000,000,000 | 6,210,000 + 400,000,000-ը գերազանցող գումարի 0,7%-ը |
1,000,000,001-ից 4,000,000,000 | 10,410,000 + 1,000,000,000-ը գերազանցող գումարի 0,2%-ը |
Ավելի քան 4,000,000,001 | 16,410,000 + 4,000,000,000-ը գերազանցող գումարի 0.1%-ը |
Արագացված ընթացակարգի արբիտրաժային ծախսերը
Սանդղակ 3
Հայցագինը (ՀՀ դրամ) | Գործավարության վճարները արագացված ընթացակարգի համար (ՀՀ դրամ) |
Մինչև 5,000,000 | 100,000 |
5,000,001-ից 10,000,000 | 100,000 + 5,000,000-ը գերազանցող գումարի 2 %-ը |
10,000,001-ից 20,000,000 | 200,000 + 10,000,000-ը գերազանցող գումարի 1,5%-ը |
20,000,001-ից 40,000,000 | 390,000 + 20,000,000-ը գերազանցող գումարիի 1%-ը |
40,000,001-ից 80,000,000 | 590,000 + 40,000,000-ը գերազանցող գումարի 0,5%-ը |
80,000,001-ից 200,000,000 | 790,000 + 80,000,000-ը գերազանցող գումարի 0,4%-ը |
200,000,001-ից 400,000,000 | 1,190,000 + 200,000,000-ը գերազանցող գումարի 0,3%-ը |
400,000,001-ից 1,000,000,000 | 1,590,000 + 400,000,000-ը գերազանցող գումարի 0,2%-ը |
1,000,000,001-ից 4,000,000,000 | 2,190,000 + 1,000,000,000-ը գերազանցող գումարի 0,1%-ը |
Ավելի քան 4,000,000,001 | 3,390,000 + 4,000,000,000-ը գերազանցող գումարի 0.05%-ը |
Սանդղակ 4
Հայցագինը (ՀՀ դրամ) | Արբիտրների վճարները արագացված ընթացակարգի համար (ՀՀ դրամ) |
Մինչև 5,000,000 | 120,000 |
5,000,001-ից 10,000,000 | 120,000 + 5,000,000-ը գերազանցող գումարի 2 %-ը |
10,000,001-ից 20,000,000 | 220,000 + 10,000,000-ը գերազանցող գումարի 1,5%-ը |
20,000,001-ից 40,000,000 | 4100,000 + 20,000,000-ը գերազանցող գումարի 1%-ը |
40,000,001-ից 80,000,000 | 610,000 + 40,000,000-ը գերազանցող գումարի 0,5%-ը |
80,000,001-ից 200,000,000 | 810,000 + 80,000,000-ը գերազանցող գումարի 0,4%-ը |
200,000,001-ից 400,000,000 | 1,300,000 + 200,000,000-ը գերազանցող գումարի 0,3%-ը |
400,000,001-ից 1,000,000,000 | 1,700,000 + 400,000,000-ը գերազանցող գումարի 0,2%-ը |
1,000,000,001-ից 4,000,000,000 | 2,300,000 + 1,000,000,000-ը գերազանցող գումարի 0,1%-ը |
Ավելի քան 4,000,000,001 | 3,500,000 + 4,000,000,000-ը գերազանցող գումարի 0.05%-ը |
ԱՐԲԻՏՐԱԺԱՅԻՆ ԽՈՐՀՈՒՐԴ ԵՎ ՈՐՈՇՈՒՄՆԵՐ
Արբիտրաժային խորհուրդը Կենտրոնի մարմին է, որն ունի հետևյալ լիազորությունները.
- Արբիտրների և քարտուղարության գործառույթներ իրականացնող անձանց վարքագծի կանոնների սահմանում
- Արբիտրաժային խորհրդի կանոնակարգի ընդունում
- Կենտրոնի արբիտրաժային կանոններով սահմանված դեպքերում և կարգով հանդես գալ որպես նշանակող մարմին
- Արբիտրների բացարկի վերաբերյալ դիմումների քննությունը և արբիտրների բացարկի հարցերի վերաբերյալ որոշում կայացումը, բացարկի քննության կարգի սահմանումը
- Արագացված ընթացակարգով արբիտր նշանակելու միջնորդությունների քննությունը
- Կենտրոնի արբիտրաժային կանոններով սահմանված դեպքերում և կարգով՝ արբիտրաժային հատուկ գործով արբիտրների վճարների որոշումը, հաստատումը կամ փոփոխումը։
ՍԿՍԵՔ ՁԵՐ ԱՐԲԻՏՐԱԺԸ
Սկսեք ձեր արբիտրաժը Կենտրոնում` ներկայացնելով արբիտրաժ իրականացնելու պահանջ: Պահանջը կարող եք ուղարկել նաև հեռավար կարգով՝ էլ. փոստի միջոցով (բոլոր անհրաժեշտ փաստաթղթերն ուղարկելով Կենտրոնի էլ. փոստին)
ՄԵՐ ԱՐԲԻՏՐՆԵՐԸ
Զտել ըստ:
Տեղական կամ միջազգային վեճեր
Լեզուն
Կրթությունը
Մասնագիտացումը
Փորձառությունը
Թոմաս Վեյլ
Թոմաս Վեյլ
Ջուլիան Քոհեն
Ջուլիան Քոհեն
Եղիշե Ջազոյան
Եղիշե Ջազոյան
Յոհաննես Պ. Վիլեայմ
Յոհաննես Պ. Վիլեայմ
Վահագն Դալլաքյան
Վահագն Դալլաքյան
Թիերի Լինարես
Թիերի Լինարես
Մարինա Վեյս
Մարինա Վեյս
Ջեդրե Աուկշտուոլիենե
Ջեդրե Աուկշտուոլիենե
Ֆիլիպ Կավալիերոս
Ֆիլիպ Կավալիերոս
Գոռ Մարգարյան
Գոռ Մարգարյան
Լիլիթ Գաբրիելյան
Լիլիթ Գաբրիելյան
Նորայր Բալայան
Նորայր Բալայան
-
Արբիտրաժի և հաշտարարության կենտրոնի մասին
-
Արբիտրաժի և հաշտարության հայաստանյան կենտրոնը Հայաստանում գործող արբիտրաժային հաստատություն է։
-
Ով և որ դեպքերում կարող է դիմել կենտրոնին
-
Ինչ է արբիտրաժը և ինչպես դիմել Արբիտրաժի և հաշտարարության հայաստանյան կենտրոնին։
-
About Ethic rules of arbitrators
-
Steering Committee and its input
Կենտրոնում Ձեր վեճը լուծելու ընթացակարգերի վերաբերյալ խորհրդատվություն կարող եք ստանալ մեր իրավաբանների կողմից՝ ամրագրելով խորհրդատվության ժամ։