Հաշտարարությունը լայնորեն կիրառվում է ընտանեկան և աշխատանքային վեճերի կարգավորման համար։ Վերջին տարիներին այն հաջողությամբ կիրառվում է նաև պայմանագրային հարաբերություններից բխող և առևտրային բնույթի վեճերի պարագայում։

Հաշտարարությունը գործընթաց է, որն ուղղված է կողմերի համաձայնությամբ իրենց միջև առկա վեճն անկողմնակալ երրորդ անձի՝ հաշտարարի օգնությամբ հաշտությամբ լուծելուն: Հաշտարարը հեշտացնում է երկկողմ շփումը և բանակցային գործընթացը, սակայն ինքնուրույն որոշում չի կայացնում և չի պարտադրում կողմերին որևէ լուծում։

Կենտրոնը պատրաստ է օգնել ձեզ գտնելու ընդհանուր եզրեր և հասնելու վեճերի լուծման այնպիսի բանաձևի, որը կբավարարի ներգրավված բոլոր կողմերին: Հաշտարարությունը կարող է իրականացվել ինչպես առցանց, այնպես էլ անձամբ: