ICC կոնֆերանսի նպատակն է բացահայտելու, թե ինչպես կարող է արբիտրաժը փոփոխել իր ավանդական դերը՝ հաշվի առնելու ոչ միայն կողմերի իրավունքները, այլ նաև նրանց շահերն ու նպատակները, և արդյո՞ք արբիտրաժը կարող է կողմերից մեկի օգտին վեճը լուծելու գործառույթից անցում կատարել դեպի ավելի ամբողջական՝ երկու կողմերի համար փոխշահավետ լուծման գործընթացի։ AMCA-ի տնօրեն Տաթևիկ Մատինյանը նշում է. «Միջազգային հեղինակավոր միջոցառումներին մասնակցելը կարևոր է, ինչպես AMCA-ն միջազգային հարթակներում ներկայացնելու տեսանկյունից, այնպես էլ ծանոթանալու արբիտրաժի ոլորտում ժամանակակից զարգացումներին և բարեփոխվող իրավական համակարգում նոր խոսքին ու մշակույթին։ Այսպիսի հանդիպումները և քննարկումներն են տալիս նոր գործընկերներ և գիտելիքներ ձեռք բերելու հնարավորություն ոլորտում ակտիվ գործունեություն իրականացնող անձանց և ընկերությունների հետ։ Նմանաբնույթ հարթակներում երկուստեք կարևոր է լսել և կիսել փորձառությունները՝ նորաստեղծ կառույցի զարգացման և կայացման գործում»։
Հոգաբարձուների խորհրդի նախագահ Տիգրան Դադունցը նշեց՝ «Նման մասշտաբային միջոցառումների մասնակցությունը հիմնաքարային նշանակություն ունի հայկական իրավական դաշտում արբիտրաժային մշակույթի զարգացմանն ուղղված շարունակական ջանքերի տեսանկյունից: Դրանք հարթակ են հանդիսանում ոչ միայն ընդլայնելու մեզ հետ համագործակցող մասնագետների ցանցը, այլև ներկայացնելու մեր երկրի փորձառությունը և ձգտումը վեճերի արդար և արդյունավետ լուծման մեխանիզմներ ունենալու հարցում: Սրանով մենք ամրապնդում ենք մեր նվիրվածությունը արբիտրաժի համար բարենպաստ միջավայր ստեղծելու գործին»։