Երևան, ՀայաստանԱրկադի Սահակյանը ՀՀ ՔՀԿ-ների հակակոռուպցիոն կոալիցիայի կառավարման խորհրդի անդամ է։ Նա Հայաստանում էլեկտրոնային առևտրի զարգացմանն ուղղված օրենսդրական նախաձեռնությունների համահեղինակ է։ «UITE Modern Military Industry Expert Group» ՍՊԸ-ի տնօրենն է։ Արկադի Սահակյանը ՀՀ գլխավոր դատախազության որակավորման հանձնաժողովի անդամ է։ 2016 թվականից ՀՀ ՔՀԿ-ի հակակոռուպցիոն կոալիցիայի կառավարման խորհրդում է։ Նա կոալիցիայի կազմում մասնակցել է ապօրինի հարստացման քրեականացման միջազգային փորձի ուսումնասիրությանը։ Արկադի Սահակյանը 2021-2022 թվականներին եղել է ՀՀ ՔՀԿ-ների հակակոռուպցիոն կոալիցիայի կառավարման խորհրդի նախագահը։ 2014 թվականից մասնակցել է «Տեղեկատվական տեխնոլոգիաների ոլորտին պետական աջակցության մասին» ՀՀ օրենքի մշակմանը։ 2015թ.-ից վերը նշված օրենքի շրջանակներում ձեռնարկատերերին հարկային արտոնություններ տրամադրելու հավաստագրող հանձնաժողովի անդամ է։ Նա մասնակցել է «Փաստերի վրա հիմնված բարեփոխումների քարոզչություն» ծրագրի իրականացմանը, որի շրջանակներում մշակվել եւ գործարկվել է www.bizprotect.am կայքը։ Արկադի Սահակյանը մասնակցել է Հայաստանում բջջային համարների տեղափոխելիության ծառայության ներդրմանը։ 2012 թվականի օգոստոս-դեկտեմբեր ամիսներին եղել է Բջջային համարների տեղափոխման ծառայություններ մատուցող օպերատորների միության գործադիր տնօրենը։ 2004-2005 թվականներին եղել է Երևանի Հյուսիսային համալսարանի ABA/CEELI «Իրավաբանական կլինիկայի» փոխտնօրեն-համակարգող։ Նա մաքսային և հարկային մի շարք օրենքներում փոփոխություններ կատարելու առաջարկների հեղինակ է։
