Կողմերը կարող են Արբիտրաժ իրականացնելու պահանջ ներկայացնել Կենտրոնին, եթե ունեն վեճը
Կենտրոնին հանձնելու մասին արբիտրաժային համաձայնություն/վերապահում։
Կենտրոնն առաջարկում է արբիտրաժային վերապահման հետևյալ տիպային ձևերը, որոնք կարող են
փոփոխվել կողմերի ցանկությամբ․
Կենտրոնում Ձեր վեճը լուծելու ընթացակարգերի վերաբերյալ խորհրդատվություն կարող եք ստանալ մեր իրավաբանների կողմից՝ ամրագրելով խորհրդատվության ժամ։
1. «ԱՐԲԻՏՐԱԺԻ ԵՎ ՀԱՇՏԱՐԱՐՈՒԹՅԱՆ ՀԱՅԱՍՏԱՆՅԱՆ ԿԵՆՏՐՈՆ» հիմնադրամը (այսուհետ` Կենտրոն) ոչ առևտրային կազմակերպություն է, որը հիմնադրվել է «Օրենսդրության զարգացման կենտրոն» հիմնադրամի, Հայ իրավաբանական միության և Հայկական բարեգործական ընդհանուր միության կողմից։
2. Կենտրոնն ունի Հոգաբարձուների խորհուրդ, Քարտուղարություն և Արբիտրաժային խորհուրդ։ Կենտրոնի մարմինների կառուցվածքը, գործառույթները և լիազորությունները սահմանված են Կենտրոնի Կանոնադրությամբ:
3. Կենտրոնն ինքնին չի լուծում վեճերը։ Այն զբաղվում է արբիտրաժային գործերի վարմամբ, որոնք լուծվում են արբիտրաժային տրիբունալների կողմից սույն Արբիտրաժային Կանոններին համապատասխան (այսուհետ՝ Կանոններ):
4. Կենտրոնի Կանոնադրությամբ ստեղծված Արբիտրաժային խորհուրդն ունի Կենտրոնի Կանոնադրությամբ, Կանոններով, Արբիտրաժային խորհրդի գործունեության կարգով և Կենտրոնի ընդունած այլ իրավական ակտերով նախատեսված գործառույթներ:
5. Կենտրոնի Քարտուղարությունը վարում է արբիտրաժային գործերով վարույթները՝ Կանոններին, Կենտրոնի Կանոնադրությանը և Կենտրոնի կողմից ընդունված այլ իրավական ակտերին համապատասխան:
6. Գլխավոր քարտուղարը ղեկավարում է Քարտուղարության աշխատանքները` Կանոնների, Կենտրոնի Կանոնադրության և Կենտրոնի կողմից ընդունված այլ իրավական ակտերին համապատասխան:
1. Կանոնները հաստատվել են Կենտրոնի կողմից և կիրառվում են Կենտրոնի կողմից վարվող արբիտրաժային վարույթների նկատմամբ, այն դեպքում, երբ արբիտրաժային համաձայնությամբ կողմերի միջև վեճի լուծումը նախատեսված է իրականացնել Կանոնների հիման վրա:
2. Կանոնները Կենտրոնի կողմից վարվող գործերով հանդիսանում են արբիտրաժային համաձայնության անբաժանելի մասը, եթե այլ բան նախատեսված չէ կողմերի միջև:
3. Կենտրոնը Կանոնադրությամբ նախատեսված կարգով կարող է փոփոխել Կանոնները։
Սույն Կանոններում․
1. «հայցվոր»-ը մեկ կամ մի քանի հայցվորներն են. «պատասխանող»-ը մեկ կամ մի քանի պատասխանողները, իսկ «լրացուցիչ կողմ»-ը մեկ կամ մի քանի լրացուցիչ կողմերը․
2. «կողմ» կամ «կողմեր»-ն են հայցվորներ, պատասխանողներ կամ լրացուցիչ կողմեր․
3. «պահանջ» կամ «պահանջներ» ներառում է որևէ կողմի ցանկացած պահանջ, հայցապահանջ այլ կողմի դեմ․
4. «վճիռ» ներառում է, ի թիվս այլնի, միջանկյալ, մասնակի, վերջնական կամ լրացուցիչ վճիռը․
5. «գրավոր հաղորդակցություն» ներառում է ցանկացած տեսակի փաստաթղթերը, օրինակ՝ ծանուցումներ, միջնորդություններ, հայտարարություններ, կարգադրություններ և վճիռներ, որոնք ներկայացվել կամ փոխանակվել են կողմերի, արբիտրաժային տրիբունալի կամ Քարտուղարության միջև:
1. Եթե Կանոններում այլ բան նախատեսված չէ, ցանկացած կողմի բոլոր միջնորդությունները և գրավոր այլ հաղորդակցությունները, ինչպես նաև դրանց կցված բոլոր փաստաթղթերը պետք է ուղարկվեն յուրաքանչյուր կողմին, յուրաքանչյուր արբիտրին և Քարտուղարությանը: Արբիտրաժային տրիբունալի՝ կողմերին ուղարկվող ցանկացած ծանուցման կամ հաղորդակցության կրկնօրինակը (cc, պատճենը) պետք է ուղարկվի նաև Քարտուղարությունը:
2. Քարտուղարության և արբիտրաժային տրիբունալի կողմից ուղարկված բոլոր ծանուցումները կամ այլ հաղորդակցությունները պետք է կատարվեն կողմի կամ նրա ներկայացուցչի վերջին այն հասցեով, որը ներկայացրել է տվյալ կողմը կամ այլ կողմ: Նման ծանուցումը կամ հաղորդակցությունը կարող է իրականացվել առաքման միջոցով՝ անդորրագրի, պատվիրված նամակի, սուրհանդակի, կամ էլ.փոստի կամ հեռահաղորդակցության ցանկացած այլ միջոցով, որն ապահովում է դրանց ուղարկման հավաստումը:
3. Ծանուցումը կամ հաղորդակցությունը համարվում է կատարված այն օրը, երբ այն ստացվել է կողմի կամ նրա ներկայացուցչի կողմից, կամ կստացվեր, եթե կատարվել է սույն հոդվածի 2-րդ մասի համաձայն: 4. Կանոններում նշված կամ դրա հիման վրա սահմանված ժամկետները հաշվարկվում են այն օրվան հաջորդող օրվանից, երբ ծանուցումը կամ հաղորդակցությունը համարվում է կատարված սույն հոդվածի 3-րդ մասին համապատասխան: Եթե այդ օրվան հաջորդող օրը պաշտոնական արձակուրդ է կամ ոչ աշխատանքային օր այն երկրում, որտեղ ծանուցումը կամ հաղորդակցությունը համարվում է կատարված, ժամկետը սկսվում է հոսել հաջորդող առաջին աշխատանքային օրվանից: Ժամկետի հաշվարկում ներառվում են պաշտոնական տոները և ոչ աշխատանքային օրերը: Եթե համապատասխան ժամկետի վերջին օրը պաշտոնական արձակուրդ է կամ ոչ աշխատանքային օր այն երկրում, որտեղ ծանուցումը կամ հաղորդակցությունը համարվում է կատարված, ապա ժամկետը լրանում է հաջորդող առաջին աշխատանքային օրվա վերջում:
1. Կողմը, որը Կանոնների համաձայն ցանկանում է արբիտրաժային վարույթ սկսել, պետք է Արբիտրաժ իրականացնելու պահանջ ներկայացնի Քարտուղարությանը: Քարտուղարությունը հայցվորին և պատասխանողին ծանուցում է Արբիտրաժ իրականացնելու պահանջը ստանալու և դրա ստացման ամսաթվի մասին:
2. Արբիտրաժային վարույթը, բոլոր դեպքերում, համարվում է սկսված Քարտուղարության կողմից Արբիտրաժ իրականացնելու պահանջը ստանալու օրը։
3. Արբիտրաժ իրականացնելու պահանջը պետք է պարունակի հետևյալ տեղեկությունները․
(1) հայցվորի անունը (անվանումը), անձը հաստատող տվյալները, եթե ֆիզիկական անձ է, պետական գրանցման տվյալները, եթե իրավաբանական անձ է, հայցվորի կոնտակտային տվյալները՝ հասցեն, էլեկտրոնային փոստի հասցեն և ծանուցման նախընտրելի միջոցը,
(2) հայցվորի ներկայացուցչի անունը, հասցեն, էլեկտրոնային փոստի հասցեն և այլ կոնտակտային տվյալներ,
(3) պատասխանողի անունը (անվանումը), ֆիզիկական հասցեն և այլ կոնտակտային տվյալներ, ներառյալ էլեկտրոնային փոստի հասցեն, եթե դրանք հասանելի են հայցվորին,
(4) վեճի փաստերի և բնույթի նկարագրությունը, ինչպես նաև ներկայացվող պահանջների հիմքը,
(5) ներկայացվող պահանջը՝ միաժամանակ դրամական պահանջի դեպքում` պահանջվող գումարի չափը, և հնարավորության դեպքում այլ պահանջների դրամական արժեքի գնահատումը,
(6) արբիտրաժային համաձայնություն(ներ) և այլ համապատասխան համաձայնություններ,
(7) նկատառումներ կամ առաջարկներ արբիտրների թվի և նրանց ընտրության հետ կապված՝ Կանոնների 13-րդ և 14-րդ հոդվածներին համապատասխան, և ըստ այդմ պահանջվող արբիտրի առաջադրում, և
(8) նկատառումներ կամ առաջարկներ արբիտրաժի վայրի, կիրառելի իրավունքի և արբիտրաժի լեզվի վերաբերյալ։
4. Արբիտրաժ իրականացնելու պահանջը Քարտուղարությանը ներկայացնելիս պետք է կատարվի նաև Կանոնների Հավելված 1-ով նախատեսված գործավարության վճարը և կից ներկայացվի այդ վճարումը հավաստող փաստաթուղթը:
5. Հայցվորը Արբիտրաժ իրականացնելու պահանջին պետք է կցի պահանջի բավարար քանակությամբ օրինակներ բոլոր կողմերի, յուրաքանչյուր արբիտրի և Քարտուղարության համար, եթե հայցվորը պահանջում է Արբիտրաժ իրականացնելու պահանջը հանձնել առձեռն, պատվիրված նամակով կամ սուրհանդակի միջոցով:
6. Արբիտրաժ իրականացնելու պահանջը կարող է ներառել նաև 28-րդ հոդվածով նախատեսված Հայցը:
7. Հայցվորը Արբիտրաժ իրականացնելու պահանջի հետ կարող է ներկայացնել ցանկացած փաստաթուղթ, պայմանագիր կամ այլ ապացույց, որը, հայցվորի կարծիքով, առնչվում է գործին կամ ապագայում ներկայացվելիք փաստաթղթերին կամ այլ ապացույցներին:
8. Արբիտրաժ իրականացնելու պահանջը և կից փաստաթղթերը ներկայացվում են էլեկտրոնային եղանակով կամ, եթե դա հնարավոր չէ, թղթային տարբերակով:
9. Եթե հայցվորը չի պահպանում Արբիտրաժ իրականացնելու պահանջի հետ կապված պահանջները, ապա Քարտուղարությունը կարող է սահմանել ժամկետ, որի ընթացքում հայցվորը պետք է շտկի մատնանշված թերությունները, հակառակ դեպքում` գործը կհամարվի ավարտված՝ չսահմանափակելով նույն պահանջները կրկին ներկայացնելու հայցվորի իրավունքը:
10. Քարտուղարությունը պահանջին պատասխանելու համար Արբիտրաժ իրականացնելու պահանջը և դրան կից փաստաթղթերի օրինակը ուղարկում է պատասխանողին՝ Արբիտրաժ իրականացնելու պահանջն անհրաժեշտ քանակությամբ և պահանջվող վճարով ստանալուն պես:
1. Քարտուղարությունից Արբիտրաժ իրականացնելու պահանջը ստանալուց հետո 30 օրվա ընթացքում պատասխանողը ներկայացնում է Արբիտրաժ իրականացնելու պահանջի պատասխան (այսուհետ`պատասխան), որը պետք է պարունակի հետևյալ տեղեկությունները.
(1) պատասխանողի անունը(անվանումը), պատասխանողի անձը հաստատող տվյալները, եթե ֆիզիկական անձ է, պատասխանողի պետական գրանցման տվյալները, եթե իրավաբանական անձ է, և պատասխանողի կոնտակտային տվյալները, հասցեն, էլեկտրոնային փոստի հասցեն և ծանուցման նախընտրելի միջոցը,
(2) պատասխանողի ներկայացուցչի անունը, հասցեն, էլեկտրոնային փոստի հասցեն և այլ կոնտակտային տվյալներ,
(3) փաստարկներ կապված հայցվորի պահանջների հիմքում ընկած փաստերի և վեճի բնույթի, ինչպես նաև պահանջի հիմքերի վերաբերյալ,
(4) ներկայացված (հայցա)պահանջի վերաբերյալ պատասխանը,
(5) նկատառումներ կամ առաջարկներ արբիտրների թվի և նրանց ընտրության հետ կապված՝ հայցվորի առաջարկի լույսի ներքո և Կանոնների 13- րդ և 14-րդ հոդվածի դրույթներին համապատասխան, և ըստ այդմ պահանջվող արբիտրի առաջադրում, և
(6) նկատառումներ կամ առաջարկներ արբիտրաժի վայրի, կիրառելի իրավունքի և արբիտրաժի լեզվի վերաբերյալ։
2. Պատասխանողը պատասխանի հետ կարող է ներկայացնել այնպիսի այլ փաստաթղթեր կամ տեղեկություններ, որոնք նա անհրաժեշտ է համարում կամ, որոնք կարող են նպաստել վեճի արդյունավետ լուծմանը:
3. Պատասխանը կարող է ներառել նաև 28-րդ հոդվածում նշված հայցադիմումի պատասխանը։
4. Քարտուղարությունը կարող է երկարաձգել պատասխանը ներկայացնելու ժամկետը, պայմանով, որ նման երկարաձգման դիմումը պարունակի պատասխանողի նկատառումները կամ առաջարկներն արբիտրների թվի և նրանց ընտրության վերաբերյալ, իսկ 14-րդ հոդվածով պահանջվող դեպքում՝ արբիտրի նշանակումը: Եթե պատասխանողը դա չի անում, ապա Քարտուղարությունը Կանոններին համապատասխան ընթացք է տալիս գործին:
5. Պատասխանը պետք է ներկայացվի էլեկտրոնային եղանակով կամ, եթե դա հնարավոր չէ, թղթային տարբերակով:
6. Պատասխանը պետք է ներկայացվի յուրաքանչյուր կողմի, յուրաքանչյուր արբիտրի և Քարտուղարության համար անհրաժեշտ քանակությամբ օրինակներով, եթե պատասխանողը պահանջում է պատասխանը հանձնել առձեռն, պատվիրված նամակով կամ սուրհանդակի միջոցով:
7. Քարտուղարությունը պատասխանը և դրան կից փաստաթղթերը տրամադրում է գործի մյուս բոլոր կողմերին:
8. Պատասխանողի կողմից ներկայացվող ցանկացած հակընդդեմ հայց պետք է ներկայացվի պատասխանի հետ միաժամանակ և պետք է պարունակի.
(1) հակընդդեմ հայց ներկայացնելու համար հիմք հանդիսացած փաստերի և վեճի բնույթի նկարագրությունը, ինչպես նաև հակընդդեմ հայցի հիմքերը,
(2) ներկայացվող պահանջը՝ միաժամանակ դրամական պահանջի դեպքում` պահանջվող գումարի չափը, և հնարավորության դեպքում այլ հակընդդեմ պահանջների դրամական արժեքի գնահատումը,
(3) արբիտրաժային համաձայնություն(ներ) և այլ համապատասխան համաձայնություններ,
(4) եթե հակընդդեմ հայցերը ներկայացվում են մեկից ավելի արբիտրաժային համաձայնությունների հիմքով, այն արբիտրաժային համաձայնության մասին նշումը, որով ներկայացվում է յուրաքանչյուր հակընդդեմ հայց: Պատասխանող կողմը կարող է հակընդդեմ հայցով ներկայացնել այնպիսի այլ փաստաթղթեր կամ տեղեկություններ, որոնք նա անհրաժեշտ է համարում, կամ, որոնք կարող են նպաստել վեճի արդյունավետ լուծմանը:
9. Քարտուղարության կողմից ուղարկված հակընդդեմ հայցը ստանալուց հետո 30 օրվա ընթացքում հայցվորը պետք է ներկայացնի հակընդդեմ հայցի պատասխանը: Նախքան գործը Արբիտրաժային տրիբունալին փոխանցելը, Քարտուղարությունը կարող է հայցվորի համար երկարաձգել հակընդդեմ հայցի պատասխանը ներկայացնելու ժամկետը:
Սույն հոդվածի 2-րդ մասով նախատեսված դեպքում Արբիտրաժային խորհրդի որոշումը չի կարող ազդել որևէ կողմի հայցի կամ հայցերի ընդունելիության կամ վեճի ըստ էության քննության վրա:
2.Ներգրավման միջնորդությունը պետք պարունակի հետևյալ տեղեկությունները․
(1) արբիտրաժային վարույթի համարը,
(2) անունը (անվանումը), անձը հաստատող տվյալները, եթե ֆիզիկական անձ է, պետական գրանցման տվյալները, եթե իրավաբանական անձ է, կողմերից յուրաքանչյուրի՝ ներառյալ լրացուցիչ կողմի կոնտակտային տվյալները, հասցեն, էլեկտրոնային փոստի հասցեն և ծանուցման նախընտրելի միջոցը, և
(3) 5-րդ հոդվածի 3-րդ մասի, 4-րդ, 5-րդ և 6-րդ ենթակետերում նշված տեղեկատվությունը։ Լրացուցիչ կողմ ներգրավելու միջնորդություն ներկայացրած կողմը կարող է դրան կցել նաև այլ փաստաթղթեր և տեղեկություն, որը նպատակահարմար է համարում կամ որը կարող է նպաստել վեճի արդյունավետ լուծմանը։
Լրացուցիչ կողմ ներգրավելու միջնորդություն ներկայացրած կողմը կարող է դրան կցել նաև այլ փաստաթղթեր և տեղեկություն, որը նպատակահարմար է համարում կամ որը կարող է նպաստել վեճի արդյունավետ լուծմանը։
Լրացուցիչ կողմ ներգրավելու մասին ցանկացած միջնորդություն, որը ներկայացվում է որևէ արբիտրի հաստատումից կամ նշանակումից հետո պետք է որոշվի Արբիտրաժային տրիբունալի կողմից՝ ձևավորումից հետո, պայմանով, որ լրացուցիչ կողմն ընդունում է արբիտրաժային տրիբունալի կազմը և համաձայնում է Քննության ընթացակարգի արձանագրությանը՝ առկայության դեպքում: Լրացուցիչ կողմ ներգրավելու մասին միջնորդության վերաբերյալ որոշում կայացնելիս արբիտրաժային տրիբունալը պետք է հաշվի առնի բոլոր վերաբերելի հանգամանքները, ներառյալ՝ թե արդյոք արբիտրաժային տրիբունալն ունի առերևույթ (prima facie) իրավասություն լրացուցիչ կողմի նկատմամբ, Ներգրավման միջնորդություն ներկայացնելու ժամկետները, շահերի հնարավոր բախումները և ներգրավման ազդեցությունը արբիտրաժային վարույթի վրա: Լրացուցիչ կողմ ներգրավելու մասին ցանկացած որոշում չի ազդում արբիտրաժային տրիբունալի՝ տվյալ կողմի նկատմամբ իր իրավասությանը վերաբերող որոշումների վրա:
1.Արբիտրաժային խորհուրդը, կողմերի պահանջով, կարող է Կանոնների հիման վրա քննվող երկու կամ ավելի արբիտրաժային գործերը միացնել մեկ արբիտրաժային վարույթում, եթե.
(1)կողմերը համաձայնել են միացմանը, կամ
(2) արբիտրաժային գործերում ներկայացված բոլոր պահանջները հիմնված են նույն արբիտրաժային համաձայնության կամ համաձայնությունների վրա, կամ
(3) արբիտրաժային գործերում ներկայացված բոլոր պահանջները հիմնված չեն նույն արբիտրաժային համաձայնության կամ համաձայնությունների վրա, սակայն արբիտրաժային գործերի կողմերը նույնն են, արբիտրաժային վարույթների վեճերը ծագել են նույն իրավահարաբերությունների հետ կապված, և Արբիտրաժային խորհուրդը գտնում է, որ արբիտրաժային համաձայնությունները համատեղելի են:
2.Արբիտրաժային գործերը միացնելու որոշում կայացնելիս Արբիտրաժային խորհուրդը կարող է հաշվի առնել ցանկացած հանգամանք, որը համարում է վերաբերելի, ներառյալ՝ արդյոք մեկ կամ մի քանի արբիտրներ են հաստատվել կամ նշանակվել մեկից ավելի արբիտրաժային գործերում, և եթե այդպես է, արդյոք նույն թե տարբեր անձինք են հաստատվել կամ նշանակվել։
3.Արբիտրաժային գործերը միացվում են այն արբիտրաժային վարույթում, որն առաջինն է հարուցվել, եթե բոլոր կողմերն այլ բան չեն համաձայնեցրել:
(1) կողմերի և նրանց ներկայացուցիչների անունը (անվանումը) և կոնտակտային տվյալները՝ արբիտրաժային վարույթի համար օգտագործվող կոնտակտային տվյալների նշումով,
(2) արբիտրի կամ արբիտրների անունը և հասցեն, ինչպես նաև կոնտակտային տվյալները, որոնք պետք է օգտագործվեն արբիտրաժային վարույթի համար,
(3) կողմերի դիրքորոշումների և պահանջների հակիրճ ամփոփագիրը՝ ներառյալ դրամական պահանջի դեպքում` պահանջվող գումարի չափը, և հնարավորության դեպքում այլ պահանջների դրամական արժեքի գնահատումը,
(4) պարզման ենթակա հարցերի շրջանակը՝ բացառությամբ այն դեպքերի, երբ արբիտրաժային տրիբունալը դա չի համարում անհրաժեշտ,
(5) արբիտրներից յուրաքանչյուրի լրիվ անունը, հասցեն և այլ կոնտակտային տվյալները,
(6) արբիտրաժի վայրը,
(7) վարույթի նկատմամբ կիրառելի կանոնների առանձնահատկությունները և, եթե գործը ենթադրում է դա, հղում արբիտրաժային տրիբունալին տրված իրավասությանը` գործելու որպես հաշտարար միջնորդ կամ որոշում կայացնելու արդարության ընդհանուր սկզբունքների հիման վրա (ex aequo et bono),
(8) այլ ընթացակարգային հարցեր։
(1) հայցի հիմքում ընկած փաստերը,
(2) հայցը հիմնավորող իրավական փաստարկները,
(3) ապացույցներ, որոնց վրա հիմնվում է հայցվորը,
(4) հայցապահանջը։
(1) արբիտրաժային տրիբունալի իրավասության կամ հայցադիմում(ներ)ի ընդունելիության վերաբերյալ ցանկացած առարկություն,
(2) պատասխանի և հակընդդեմ հայցի կամ հաշվանցման պահանջի հիմքում ընկած փաստերը (առկայության դեպքում),
(3) պատասխանը և հակընդդեմ հայցը կամ հաշվանցման պահանջը հիմնավորող փաստարկները (առկայության դեպքում), և
(4) ապացույցներ, որոնց վրա հիմնվում է պատասխանողը։
(1) տեղական վեճի դեպքում պահանջի չափը չի գերազանցում Հավելված 2-ի 1-ին հոդվածի 2-րդ մասով սահմանված չափը՝ նույն Հավելվածի 1-ին հոդվածի 3-րդ մասում նշված պահին, կամ
(2) կողմերի միջև առկա է նման համաձայնություն։
(1) հայցվորը հրաժարվում է հայցից, բացառությամբ, երբ պատասխանողն առարկում է գործի վարույթի ավարտման դեմ, և արբիտրաժային տրիբունալը ճանաչում է նրա օրինական շահը վեճի վերջնական կարգավորման հարցում.
(2) կողմերը պայմանավորվում են վարույթի դադարեցման մասին․
(3) արբիտրաժային տրիբունալը գտնում է, որ վարույթի շարունակությունը անհրաժեշտ չէ կամ այն դարձել է անհնարին, կամ
(4) Քարտուղարությունը համապատասխան հայցը, հակընդդեմ հայցը կամ հակընդդեմ պահանջը համարել է հետ վերցված՝ ծախսերի համար կանխավճար չվճարելու հիմքով։
5.Նախքան արբիտրաժային տրիբունալի ձևավորումը, Քարտուղարությունն իրավասու է ավարտելու արբիտրաժային վարույթը՝ համաձայն սույն Կանոնների:
Եթե կողմը շարունակում է մասնակցել արբիտրաժային վարույթին՝ առանց անհարկի ձգձգումների չներկայացնելով առարկություններ Կանոնների կամ արբիտրաժային վարույթի նկատմամբ կիրառվող որևէ այլ դրույթի խախտման կամ չպահպանման, արբիտրաժային տրիբունալի կողմից տրված որևէ հանձնարարության կամ արբիտրաժային տրիբունալի ձևավորման կամ վարույթի անցկացման հետ կապված արբիտրաժային համաձայնության որևէ պահանջի չպահպանման վերաբերյալ, ապա համարվում է, որ տվյալ կողմը հրաժարվում է առարկելու իր իրավունքից:
Սանդղակ 1
Հայցագինը (ՀՀ դրամ) | Գործավարության վճարներ (ՀՀ դրամ) |
Մինչև 5,000,000 | 150,000 |
5,000,001-ից 10,000,000 | 150,000 + 5,000,000-ը գերազանցող գումարի 2,5%-ը |
10,000,001-ից 20,000,000 | 250,000 + 10,000,000-ը գերազանցող գումարի 2%-ը |
20,000,001-ից 40,000,000 | 490,000 + 20,000,000-ը գերազանցող գումարի 1,5%-ը |
40,000,001-ից 80,000,000 | 790,000 + 40,000,000-ը գերազանցող գումարի 1%-ը |
80,000,001-ից 200,000,000 | 1,190,000 + 80,000,000-ը գերազանցող գումարի 0,5%-ը |
200,000,001-ից 400,000,000 | 1,790,000 + 200,000,000-ը գերազանցող գումարի 0,4%-ը |
400,000,001-ից 1,000,000,000 | 2,590,000 + 400,000,000-ը գերազանցող գումարի 0,3%–ը |
1,000,000,001-ից 4,000,000,000 | 4,390,000 + 1,000,000,000-ը գերազանցող գումարի 0,1%-ը |
Ավելի քան 4,000,000,001 | 7,390,000 + 4,000,000,000-ը գերազանցող գումարի 0.05%-ը |
Սանդղակ 2
Հայցագինը (ՀՀ դրամ) | Արբիտրների վճարներ (ՀՀ դրամ) |
Մինչև 5,000,000 | 170,000 |
5,000,001-ից 10,000,000 | 170,000 + 5,000,000-ը գերազանցող գումարի 5 %-ը |
10,000,001-ից 20,000,000 | 370,000 + 10,000,000-ը գերազանցող գումարի 3%-ը |
20,000,001-ից 40,000,000 | 710,000 + 20,000,000-ը գերազանցող գումարի 2,5%-ը |
40,000,001-ից 80,000,000 | 1,210,000 + 40,000,000-ը գերազանցող գումարի 2%-ը |
80,000,001-ից 200,000,000 | 2,010,000 + 80,000,000-ը գերազանցող գումարի 1,5%-ը |
200,000,001-ից 400,000,000 | 3,810,000 + 200,000,000-ը գերազանցող գումարի 1,2%-ը |
400,000,001-ից 1,000,000,000 | 6,210,000 + 400,000,000-ը գերազանցող գումարի 0,7%-ը |
1,000,000,001-ից 4,000,000,000 | 10,410,000 + 1,000,000,000-ը գերազանցող գումարի 0,2%-ը |
Ավելի քան 4,000,000,001 | 16,410,000 + 4,000,000,000-ը գերազանցող գումարի 0.1%-ը |
Սանդղակ 3
Հայցագինը (ՀՀ դրամ) | Գործավարության վճարները արագացված ընթացակարգի համար (ՀՀ դրամ) |
Մինչև 5,000,000 | 100,000 |
5,000,001-ից 10,000,000 | 100,000 + 5,000,000-ը գերազանցող գումարի 2 %-ը |
10,000,001-ից 20,000,000 | 200,000 + 10,000,000-ը գերազանցող գումարի 1,5%-ը |
20,000,001-ից 40,000,000 | 390,000 + 20,000,000-ը գերազանցող գումարիի 1%-ը |
40,000,001-ից 80,000,000 | 590,000 + 40,000,000-ը գերազանցող գումարի 0,5%-ը |
80,000,001-ից 200,000,000 | 790,000 + 80,000,000-ը գերազանցող գումարի 0,4%-ը |
200,000,001-ից 400,000,000 | 1,190,000 + 200,000,000-ը գերազանցող գումարի 0,3%-ը |
400,000,001-ից 1,000,000,000 | 1,590,000 + 400,000,000-ը գերազանցող գումարի 0,2%-ը |
1,000,000,001-ից 4,000,000,000 | 2,190,000 + 1,000,000,000-ը գերազանցող գումարի 0,1%-ը |
Ավելի քան 4,000,000,001 | 3,390,000 + 4,000,000,000-ը գերազանցող գումարի 0.05%-ը |
Սանդղակ 4
Հայցագինը (ՀՀ դրամ) | Արբիտրների վճարները արագացված ընթացակարգի համար (ՀՀ դրամ) |
Մինչև 5,000,000 | 120,000 |
5,000,001-ից 10,000,000 | 120,000 + 5,000,000-ը գերազանցող գումարի 2 %-ը |
10,000,001-ից 20,000,000 | 220,000 + 10,000,000-ը գերազանցող գումարի 1,5%-ը |
20,000,001-ից 40,000,000 | 4100,000 + 20,000,000-ը գերազանցող գումարի 1%-ը |
40,000,001-ից 80,000,000 | 610,000 + 40,000,000-ը գերազանցող գումարի 0,5%-ը |
80,000,001-ից 200,000,000 | 810,000 + 80,000,000-ը գերազանցող գումարի 0,4%-ը |
200,000,001-ից 400,000,000 | 1,300,000 + 200,000,000-ը գերազանցող գումարի 0,3%-ը |
400,000,001-ից 1,000,000,000 | 1,700,000 + 400,000,000-ը գերազանցող գումարի 0,2%-ը |
1,000,000,001-ից 4,000,000,000 | 2,300,000 + 1,000,000,000-ը գերազանցող գումարի 0,1%-ը |
Ավելի քան 4,000,000,001 | 3,500,000 + 4,000,000,000-ը գերազանցող գումարի 0.05%-ը |
(1) դիմողի անունը (անվանումը), անձը հաստատող տվյալները, եթե ֆիզիկական անձ է, պետական գրանցման տվյալներ, եթե իրավաբանական անձ է, դիմողի կոնտակտային տվյալները, հասցեն, էլեկտրոնային փոստի հասցեն և ծանուցման նախընտրելի միջոցը,
(2) դիմողի ներկայացուցչի անունը, հասցեն, էլեկտրոնային փոստի հասցեն և այլ կոնտակտային տվյալներ,
(3) պատասխանողի անունը, հասցեն և այլ կոնտակտային տվյալներ, ներառյալ էլեկտրոնային փոստի հասցեն, եթե հասանելի են դիմողին,
(4) դիմումի համար հիմք հանդիսացող հանգամանքների և վեճի նկարագրությունը, որը հանձնվել է կամ պետք է հանձնվի արբիտրաժին,
(5) ակնկալվող արտակարգ միջոցների նկարագրությունը,
(6) հիմնավորումներ, թե ինչու են դիմորդին անհրաժեշտ հրատապ ապահովման կամ պահպանման միջոցներ, որոնք չեն կարող սպասել արբիտրաժային տրիբունալի ձևավորմանը,
(7) արբիտրաժային համաձայնություն(ներ) և այլ համապատասխան համաձայնություններ,
(8) ցանկացած համաձայնություն արբիտրաժի վայրի, կիրառելի իրավունքի կամ արբիտրաժի լեզվի վերաբերյալ,
(9) Հավելված 1-ի 6-րդ հոդվածում նշված վճարումը հավաստող ապացույցը,
(10) Արբիտրաժ իրականացնելու պահանջի և դրա հիմքում ընկած վեճի հետ կապված ցանկացած այլ փաստաթուղթ, որոնք Քարտուղարությանն են ներկայացվել արտակարգ միջոցների արբիտրի վարույթի կողմերից որևէ մեկի կողմից նախքան դիմումը ներկայացնելը,
(11) դիմումը կարող է պարունակել այնպիսի այլ փաստաթղթեր կամ տեղեկություններ, որոնք դիմողը նպատակահարմար է գտնում կամ որոնք կարող են նպաստել դիմումի արդյունավետ քննությանը:
(1) Արբիտրաժային խորհրդի նախագահի կողմից դադարեցվել է արտակարգ միջոցների վարույթը,
(2) Արբիտրաժային խորհրդի կողմից ընդունվել է արտակարգ միջոցների արբիտրի դեմ ներկայացված բացարկը՝ համաձայն սույն Հավելվածի 4-րդ հոդվածի,
(3) արբիտրաժային տրիբունալի վերջնական վճռով, եթե արբիտրաժային տրիբունալն այլ բան ուղղակիորեն չի որոշում, կամ
(4) բոլոր պահանջներից հրաժարվել են կողմերը կամ արբիտրաժային վարույթն ավարտվել է մինչև վերջնական վճռի կայացումը։