Ունենալով ավելի քան 13 տարվա մասնագիտական փորձ՝ Վանիկ Մարգարյանը հաջողությամբ իրականացրել է բազմաթիվ խոշոր գործարքներ և լիցենզավորման գործընթացներ՝ իրավաբանական աջակցություն տրամադրելով տեղական և միջազգային ներդրողներին։
2015 թվականին Վանիկ Մարգարյանը ստացել է արտոնագրված հաշտարարի կարգավիճակ և հավատարմագրվել Վեճերի արդյունավետ լուծման կենտրոնի (CEDR) կողմից։ 2016 թվականից նա հանդիսանում է ապրանքային նշանների արտոնագրային հավատարմատար։
2019 թվականից Վանիկը դասավանդում է Հայաստանի փաստաբանների ակադեմիայում (նախկինում՝ ՀՀ Փաստաբանների դպրոց), ինչպես նաև վարում է իրավաբանների համար նախատեսված մասնագիտական վերապատրաստման դասընթացներ։
