Ռաֆիկ Գրիոգրյանը Sigma Law Group-ի կառավարիչ գործընկերն է։ Նա զբաղվում է իրավաբանական ծառայությունների մատուցմամբ ու խորհրդատվություններ է տալիս հանրային և մասնավոր իրավունքի տարբեր ոլորտներում: Նա հաջողությամբ համագործակցել է այնպիսի միջազգային կազմակերպությունների հետ, ինչպիսիք են ՄԱԶԾ, ԵՄ, ԵՀ, ԱՄՆ ՄԶԳ, Համաշխարհային բանկը և Ասիական զարգացման բանկը:

Ներկայումս լինելով ՀՀ Կառավարության սահմանադրական բարեփոխումների մասնագիտական հանձնաժողովի անդամ՝ Ռաֆիկը ակտիվորեն նպաստում է սահմանադրական փոփոխությունների քննարկումներին։ Բացի այդ, Ռաֆիկը՝ Համաշխարհային բանկի խմբի հետ համատեղ գլխավորում է Արդարադատության ծառայությունների թվայնացման ծրագիրը՝ նպատակ ունենալով բարելավել էլեկտրոնային արդարադատության ենթակառուցվածքներն ու մատչելիությունը։

Որպես Ասիական զարգացման բանկի հայաստանյան թիմի ղեկավար՝ նա ղեկավարում  է Ասիայում և Խաղաղ օվկիանոսում կայուն տնտեսական զարգացման համար դատական կարողությունների զարգացմանն ուղղված նախաձեռնությունները:

Հատկանշական է, որ Ռաֆիկը նախկինում զբաղեցրել է Արդարադատության նախարարի առաջին տեղակալի պաշտոնը՝ առանցքային դերակատարում ունենալով 2019-2023 թվականների դատաիրավական բարեփոխումների ռազմավարության իրականացման գործում։ Որպես Ասիական զարգացման բանկի ազգային խորհրդատու՝ Ռաֆիկը առանցքային դեր է խաղացել ARM արբիտրաժային կենտրոնի զարգացման գործում։ Նա որպես  Եվրոպայի Խորհրդին առընթեր European Commission for the Efficiency of Justice (CEPEJ)-ի իրավաբան- փորձագետ՝ եղել է թիմի ղեկավար, որն արդյունավետորեն աշխատել է տվյալների հավաքագրման և նամակագրության միջոցով դատական արդյունավետության բարձրացման ուղղությամբ։