Էլայջա Պուտիլինը ոլորտում առաջատար անկախ արբիտր է, ով ունի մեծ փորձառություն՝ քաղաքացիական, ընդհանուր և միջազգային իրավունքի ոլորտներում։ Նա աշխատել է որպես միանձնյա արբիտր, նախագահող և համաարբիտր՝ ICC, SIAC, SCC, DIAC, DIFC-LCIA, AIFC IAC, TIAC, TRAC, ICAC (Ռուսաստան և Ուզբեկստան), IAC (Ղրղզստան), RAC և VIAC (Վիետնամ) կանոններով կարգավորվող արբիտրաժային վարույթներում։

Նա մասնագիտացած է նաև էներգետիկայի, բանկային և ֆինանսական, շինարարության, տեխնոլոգիաների, հեռահաղորդակցության և գյուղատնտեսության ոլորտներում։

Արբիտրաժային գործունեությունից զատ՝ Էլայջան աշխատում է որպես իրավախորհրդատու՝ Putilin Dispute Management (PDM) ընկերությունում, որտեղ ներկայացնում է հաճախորդների շահերը՝ միջազգային առաջատար արբիտրաժային հաստատություններում, դատական բոլոր ատյաններում, միջազգային առևտրային ատյաններում և սպորտային կառույցներում։

Էլայջան նաև ակադեմիական գործունեություն է ծավալում․ նա դասավանդում է միջազգային արբիտրաժ  Տաշքենդի Պետական Իրավաբանական Համալսարանում և որպես հրավիրյալ դասախոս դասավանդում է միջազգային վեճերի կարգավորում և բիզնես իրավունք՝ Կենտրոնական և Հարավարևելյան Ասիայի առաջատար համալսարաններում։

Նա հանդիսանում է Fellow of the Chartered Institute of Arbitrators (FCIArb)-ի, ինչպես նաև տարբեր հեղինակավոր արբիտրաժային հաստատությունների վերահսկիչ և խորհրդատվական մարմինների անդամ։