Աիշա Նադարը հանդիսանում է «Advokatfirman Runeland AB» իրավաբանական ընկերության ավագ խորհրդատու՝ իր մասնագիտական գործունեությունը ծավալելով Ստոկհոլմ քաղաքում։ Նա մասնագիտացած է ենթակառուցվածքների ոլորտում գնումների և վեճերի կառավարման մեջ։ Աիշան միացել է ընկերությանը 2012 թվականին՝ որպես պայմանագրային և վեճերի կառավարման խորհրդատու՝ հաճախորդներին տրամադրելով խորհրդատվություն գնումների ռազմավարական պլանավորման, պայմանագրերի նախագծման, պայմանագրային կառավարման և վեճերի լուծման հարցերում։
Ավելի քան 30 տարվա ընթացքում Աիշա Նադարը ակտիվորեն ներգրավված է եղել խոշոր, միջսահմանային ենթակառուցվածքային և պաշտպանական ծրագրերի աշծատանքներում։
Նա հանդես է գալիս որպես արբիտր, հաշտարար և դատավոր՝ պարբերաբար նշանակվելով կողմերի, փաստաբանների և արբիտրաժային տրիբունալների կողմից միջազգային արբիտրաժային, հաշտարարական և վեճերի խորհուրդների հետ կապված գործընթացներում։ Աիշան ունի գործնական փորձ ICC, LCIA, SCC, DIAC, AAA և UNCITRAL արբիտրաժային կանոններով։
Նա վեճերի լուծման հետ կապված հանձնարարություններ է իրականացրել միջազգային խոշոր կառույցների համար, այդ թվում՝ Համաշխարհային բանկի, USAID և ԱՄՆ Պաշտպանության նախարարության (DOD)։
Աիշա Նադարը հանդիսանում է Ինժեներ-խորհրդատուների միջազգային ֆեդերացիայի (FIDIC) գործադիր կոմիտեի անդամ, գնումների քաղաքականության ենթահանձնաժողովի նախագահ, ինչպես նաև ընդգրկված է կազմակերպության նախագահության հավատարմագրված դատավորների պաշտոնական ցանկում։