Արբիտրաժի և հաշտարարության հայաստանյան կենտրոնի իրավաբան Նորայր Բաղդասարյանը մասնակցել է «Arbitration & ADR in Georgia and the Wider Region» համաժողովին Թբիլիսիում։ Միջոցառումը կարևոր նշանակություն ունի տարածաշրջանի արբիտրաժային և հաշտարարության ոլորտի զարգացումներին ծանոթանալու և փորձի փոխանակման տեսանկյունից: Միջոցառման ընթացքում քննարկվեցին ՎԱԼ-ի, այդ թվում` արբիտրաժի հիմնական հարցերը, ներառյալ նոր զարգացումները և տարածաշրջանի մարտահրավերները, էներգետիկ և ենթակառուցվածքային վեճերը։ Արբիտրաժի և հաշտարարության հայաստանյան կենտրոնի Արբիտրաժային խորհրդի անդամ Հայկ Հովհաննիսյանը պանելային քննարկման ժամանակ հանդես եկավ զեկուցմամբ և անդրադարձավ Կենտրոնին, ներկայացնելով նրա դերը և կարևորությունը։ Միջոցառումը կազմակերպել էին ICC Georgia-ն, Gvinadze & Partners LLC-ն, և Commercial Law Development Program (CLDP)-ը։ Այս հանդիպումներն ու քննարկումները մեծապես նպաստեցին տարածաշրջանային և միջազգային համագործակցության ընդլայնմանը։ Միջոցառման արդյունքում վեր հանվեցին ոլորտի նոր զարգացումները և մարտահրավերները, ինչը կնպաստի ապագա նախաձեռնությունների հաջող իրականացմանը։