«Վիլլեմ Ս. Վիս միջազգային առևտրային արբիտրաժ» դատախաղ-մրցույթում Երևանի պետական համալսարանի թիմը Թբիլիսիում անցկացված մրցափուլի հաղթող է ճանաչվել` զբաղեցնելով առաջին հորիզոնականը, իսկ Անահիտ Ալոյանը ճանաչվել է լավագույն խոսնակ: Vis միջազգային դատախաղում Երևանի պետական համալսարանը ներկայացնող թիմին հյուրընկալել էինք Արբիտրաժի և հաշտարարության հայաստանյան կենտրոնում: ԵՊՀ թիմի մազիչներն են Դավիթ Ղարիբյանը և Մանե Մարկոսյանը, ովքեր մեծ ներդրում են ունեցել թիմի գրանցած հաջողությունների հարցում:
![](https://amca.am/wp-content/uploads/2024/02/428611534_122182382594002313_9092934079687818887_n-2-1024x768.jpg)
ԵՊՀ Իրավագիտության ֆակուլտետի դեկան Գագիկ Ղազինյանը իր երախտագիտության խոսքն էր հայտնել կենտրոնին և կարևորել նմանօրինակ աջակցությունը ապագա մասնագետների պատրաստման և կայացման գործում:
Հանդիպման ընթացքում ուսանողները կիսվեցին իրենց տպավորություններով և գրանցած հաղթանակով: Կենտրոնի տնօրեն Տաթևիկ Մատինյանը հաջողություն մաղթեց թիմին՝ Վիեննայում կայանալիք խաղի ընթացքում:
ԵՊՀ թիմի մասնակցությունը Վիլլեմ Վիսի անվան միջազգային առևտրային արբիտրաժի դատախաղ մրցույթում՝ որպես նախորդ տարի լավագույն արդյունք ցուցաբերած թիմ, ֆինանսավորում է Արբիտրաժի և հաշտարարության հայաստանյան կենտրոնը:
![](https://amca.am/wp-content/uploads/2024/02/428611059_122182382606002313_445380902125924163_n-2-768x1024.jpg)
![](https://amca.am/wp-content/uploads/2024/02/428614149_122182382558002313_8759356876530714007_n-2-778x1024.jpg)