Կենտրոնը երաշխավորում է գործերի քննությունը չեզոք, անկախ և անաչառ արբիտրների կողմից։ Ըստ Կենտրոնի Արբիտրաժային կանոնների՝ «Նախքան նշանակումը կամ հաստատումը, ապագա արբիտրը պետք է ստորագրի ընդունման, հասանելիության, անկողմնակալության և անկախության մասին հայտարարություն: Հավանական արբիտրը պետք է Քարտուղարությանը գրավոր կերպով հայտնի այն բոլոր փաստերի կամ հանգամանքների մասին, որոնք կողմերի տեսանկյունից կարող են կասկածի տակ դնել արբիտրի անկախությունը, ինչպես նաև ցանկացած հանգամանքի մասին, որը ողջամիտ կասկած կարող է առաջացնել արբիտրի անկողմնակալության վերաբերյալ։»։

Կանոններով սահմանված այսօրինակ պահանջները միտված են երաշխավորել արբիտրաժային գործերի քննությունն ամբողջական օբյեկտիվության պայմաններում, առավելապես՝ միջսահմանային և բազմակողմ վեճերով, որտեղ գործը քննող տրիբունալի անաչառության ու անկողմնակալության պայմանը վերաճում է բացարձակ առաջնահերթության։