Հրապարակումներ
Արբիտրաժային վճռի հարկադիր կատարումը և չեղյալ ճանաչումը. արբիտրաժին դատական աջակցությունը» թեմայով ձեռնարկը մշակվել է AMCA փորձագետների կողմից:
Կենտրոնի փորձագետ Մեսրոպ Մանուկյանի և փոխտնօրեն Լիլիթ Պետրոսյանի համատեղ ջանքերով մշակված ձեռնարկը նախատեսված է դատավորների համար և նպատակ է հետապնդում ցույց տալ ձեռնարկում նկարագրված իրավիճակների և բարձրացված հարցերի վերաբերյալ ձևավորված միջազգային չափանիշները և պրակտիկան, ինչպես նաև հեղինակավոր մասնագետների կարծիքները: Ձեռնարկը կարող է կիրառվել դատարանների կողմից տեղական արբիտրաժային վճիռների հարկադիր կատարման և չեղյալ ճանաչման, ինչպես նաև արբիտրաժին դատական աջակցության առնչությամբ լիազորություններն իրականացնելիս որպես մեկնաբանողական նյութ։
Մեր կենտրոնը շարունակում է առաջատար լինել արբիտրաժային նորարարական մոտեցումների ու պրակտիկաների ձևավորման հարցում:
Ձեռնարկը նպատակ ունի ոչ պրոֆեսիոնալ լսարանին ներկայացնել, թե ինչ է արբիտրաժը, առավելությունները և ինչպես է այն գործում:
Ձեռնարկը գիտական հետազոտություն չէ, այն նպատակ ունի մատչելի, ոչ մասնագիտական լեզվով ներկայացնել այն նվազագույն տեղեկատվությունը, որը գործարարներին և ոլորտով հետաքրքրված անձանց հնարավորություն կտա ընդհանուր պատկերացում կազմել Արբիտրաժի և հաշտարարության հայաստանյան կենտրոնի գործունեության շրջանակի մասին։ Կենտրոնի կողմից քննված վեճերը, արբիտրաժային համաձայնագրերին ներկայացվող պահանջները, արբիտրաժային վճիռների կատարման կարգը և այն դեպքերը, որոնցում ընդհանուր իրավասության դատարանները կարող են ներգրավվել կամ աջակցել արբիտրաժային դատավարությանը:
2023 թվականին Հայաստանի անդրանիկ միջազգային արբիտրաժային համաժողովը հաջողությամբ հավաքեց ավելի քան 200 մասնակիցների ավելի քան 20 երկրներից՝ նշանակալից հանգրվանելով Հայաստանի՝ վեճերի այլընտրանքային լուծման տարածաշրջանային կենտրոն դառնալու ճանապարհին: Միջոցառման ընթացքում նշվեց նաև Հայաստանի արբիտրաժային և միջնորդության կենտրոնի բացումը, որը հիմնարկ է, որը նվիրված է վեճերի լուծման արդյունավետ և անաչառ ծառայությունների մատուցմանը
Հաշտարարությունը վեճերի լուծման արտադատական, այլընտրանքային եւ ճկուն եղանակ է, որը նպաստում է խնդիրների խաղաղ լուծմանը՝ անկողմնակալ երրորդ անձի՝ հաշտարարի միջնորդությամբ։ Հաշտարարությունն աչքի է ընկնում մի շարք առանձնահատկություններով՝ կամավորություն, համագործակցություն, ճկունություն, գաղտնիություն, արագություն եւ ծախսարդյունավետություն։ Հաշտարարության միջոցով կարելի է կարգավորել գրեթե ցանկացած բնույթի եւ բարդության վեճեր ու տարաձայնություններ։
Արբիտրաժի և հաշտարարության հայաստանյան կենտրոնը մշակել է «Արբիտրաժային բառարան», որն իր տեսակով առաջին նմանօրինակ ձեռնարկն է հայրենական գրականությունում: Այն ծառայում է ինչպես արբիտրաժի ոլորտին առնչվող անգլերեն-հայերեն, այնպես էլ բացատրական և եզրութաբանական բառարան։
Բառարանում տեղ գտած բառերը վերաբերում են առևտրային և ներդրումային արբիտրաժի հիմնական հասկացություններին, որոնց իմացությունը անառարկելիորեն անհրաժեշտ նախապայման է ՎԱԼ բնագավառում գործունեություն իրականացնելիս։
Սույն արբիտրաժային բառարանը նախատեսված է արբիտրաժի ոլորտով հետաքրքրված ուսանողների, դասախոսների, ասպիրանտների, արբիտրների, արբիտրաժի ոլորտի այլ պրակտիկ մասնագետների, ինչպես նաև այն քաղաքացիների համար, ովքեր նախատեսում են իրենց վեճը լուծել արբիտրաժի միջոցով։
