Շվեդիայի արբիտրաժային շաբաթվա ընթացքում, Արբիտրաժի և հաշտարարության հայաստանյան կենտրոնի տնօրեն և գլխավոր քարտուղար Տաթևիկ Մատինյանը հանդիպել է Շվեդական արբիտրաժային ինստիտուտի (SCC Arbitration Institution) գլխավոր քարտուղար Քերոլայն Ֆալկոների հետ՝ քննարկելով AMCA և SCC Արբիտրաժային կենտրոնների միջև համագործակցության հեռանկարները:
Հանդիպման ժամանակ կենտրոնի տնօրեն Տաթևիկ Մատինյանը ընդգծել է, որ կարևոր է ոչ թե մրցակցությունը, այլ նոր ջանքերի համատեղումը՝ արբիտրաժային մտածողությունը զարգացնելու համար։ Իր հերթին, Քերոլայն Ֆալկոները վստահեցրել է, որ AMCA-ն այս կարճ ժամանակահատվածում գրանցել է հաջողություններ, և Ստոկհոլմի արբիտրաժային կենտրոնը պատրաստակամ է աջակցել կենտրոնի կայացմանը։
Նոյեմբերի 14-ին, կենտրոնները կնքել են համագործակցության հուշագիր՝ արբիտրաժային ինստիտուտի խնդիրների լուծմանն ու զարգացմանը օժանդակելու նպատակով։