Թոմաս Սնայդերը գործընկեր և միջազգային արբիտրաժի ղեկավար է Դուբայի «Charles Russell Speechlys» ՍՊԸ-ում: Նա ունի մեծ փորձառություն միջազգային առևտրային արբիտրաժի, միջազգային ներդրումային վեճերի, պետություն-պետություն արբիտրաժի, ինչպես նաև օտարերկրյա պետությունների իրավական անձեռնմխելիությանը վերաբերող հարցերի ոլորտներում։

Նրա փորձառությունը ընդգրկում է բազմաթիվ ոլորտներ, ներառյալ նավթագազային արդյունաբերությունը, շինարարությունը, հյուրընկալության ծառայությունների ոլորտը, հեռահաղորդակցությունը, ավտոմոբիլային արտադրությունը, մատակարարման պայմանագրերը, բաժնետերերի միջև առաջացած վեճեր և համատեղ ներդրումային ծրագրերից ծագող իրավական վեճեր։

Թոմասը «Who’s Who Legal Arbitration»-ի կողմից ճանաչվել է որպես «Global Elite Thought Leader» և դասված է «Chambers United Arab Emirates»-ում որպես վեճերի լուծման մասնագետ: Թոմասը 2022 և 2023 թվականներին ընդգրկվել է «Legal 500 Private Practice Arbitration Powerlist – Middle East Region»-ում:

Նա Դուբայի միջազգային արբիտրաժային կենտրոնի (DIAC) և Սինգապուրի միջազգային արբիտրաժային կենտրոնի (SIAC) արբիտրաժային դատարանի խորհրդի անդամ է: Թոմասը դասավանդել է նաև Ջորջ Վաշինգտոնի համալսարանի իրավունքի դպրոցում` որպես իրավագիտության պրոֆեսոր։