• Մագիստրոսի աստիճան (LL.M), Դուբլինի Թրինիթի քոլեջ, Իրավագիտության ֆակուլտետ 
  
• Դիպլոմ DESS (Diplôme d’études supérieures spécialisées), Փարիզ-Պանթեոն-Ասսաս համալսարան, Իրավագիտությանֆակուլտետ.   

Ֆիլիպ Կավալիերոսը հանդիսանում է Simmons & Simmons իրավաբանական ընկերության Փարիզի գրասենյակի գործընկեր։ Նա բազմիցս ճանաչվել է որպես աշխարհի առաջատար արբիտրաժային մասնագետներից մեկը՝ ընդգրկվելով բարձրակարգ իրավական վարկանիշային ցուցակներում, այդ թվում՝ Global Arbitration Review-ում։  

Նա հանդես է գալիս որպես փաստաբան միջազգային արբիտրաժային գործերում՝ ներկայացնելով ինչպես ֆիզիկան և իրավաբանական վստահորդներին, այնպես էլ պետություններին ներդրումային և առևտրային վեճերում՝ Ներդրումային վեճերի կարգավորման միջազգային կենտրոնի  (ICSID) Միջազգային առևտրի պալատի (ICC) և այլ միջազգային արբիտրաժային հաստատությունների արբիտրաժային կանոնների համաձայն։ 

Նա հանդես է եկել որպես արբիտր ավելի քան 30 միջազգային արբիտրաժային գործերում՝ ներառյալ որպես տրիբունալի նախագահ, միանձնյա արբիտր և համաարբիտր։ Միջազգային առևտրի պալատի կանոններով վարույթներում նա նաև նշանակվել է որպես արտակարգ միջոցների արբիտր (emergency arbitrator)։ 

Նա դասախոսում է Հաագայի միջազգային իրավունքի ակադեմիայում և Թրինիթի քոլեջում (Դուբլին)։ Նա հանդիսանում է Միջազգային առևտրի պալատի (ICC) արբիտրաժային և վեճերի այլընտրանքային լուծման հանձնաժողովի փոխնախագահ, որի կազմում ընդգրկված են ավելի քան 1300 պատվիրակներ ամբողջ աշխարհից։